El xuez pide al Supremu investigar el "papel principal" d'Ábalos nel casu Koldo

L'ex-ministru pudo incurrir nos delitos de pertenencia a organización criminal, tráficu d'influencies y cohechu, según el xuez

El xuez Ismael Moreno elevó una esposición razonada al Tribunal Supremu pa qu’investigue al ex-ministru de Tresportes y ex-secretariu d’Organización del PSOE José Luis Ábalos, al considerar qu’hai "indicios fundaos y serios" de que tuvo un "papel principal" nel conocíu como casu Koldo.

El maxistráu de l’Audiencia Nacional atribuye a Ábalos una "imputación clara y concreta" nel casu al traviés d’una serie d’indicios de que l’ex-ministru pudo incurrir en delitos de pertenencia a organización criminal, tráficu d’influencies y cohechu, como caltién tamién la Fiscalía Anticorrupción.

Como Ábalos ta aforáu énte’l Tribunal Supremu por ser diputáu, el maxistráu afitó que nun pue siguir cola investigación, polo que tendrá qu’asumila l’altu tribunal y afitar si se queda con tola causa o namás la parte qu’afecta al ex-ministru.